गाैशाला, बैशाख १ गते ।
महोत्तरीकाे गौशाला नगरपालिकामा सिंचाइ कार्यका लागि जडान गरिएको ट्रान्सफर्मर चोरी भएको छ । गएराति गौशाला नगरपालिका–१ स्थित ईटाटार चौरीमा सार्वजनिक बोरिङ सञ्चालनका लागि राखिएको ५० केभी क्षमताको ट्रान्सफर्मर अज्ञात समूहले चोरी गरेको हो ।
चोर समूहले ट्रान्सफर्मरको बाहिरी भाग (कभर) भने घटनास्थलमै छाडेर भित्री सामग्रीहरू मात्र निकालेर लगेका छन् । ट्रान्सफर्मर चोरी भएपछि बोरिङमार्फत हुने सिंचाइ सेवा पूर्ण रूपमा प्रभावित भएको छ, जसले स्थानीय किसानहरूलाई समस्या परेको छ ।
घटनाबारे जानकारी पाएपछि स्थानीयहरूले तत्काल इलाका प्रहरी कार्यालय गौशालालाई खबर गरेका थिए । प्रहरीका अनुसार घटनाको खोजी कार्य जारी रहेको छ र संलग्न व्यक्तिहरूको पहिचान गर्ने प्रयास भइरहेको छ ।
